Jeremia 1:4-10 – 21 Augustus

Koninkrykstyd 11

As jy dit nog nie gedoen het nie, skaf beslis die lieflike “Jeremia en die Amandelboom” deur Wendy Maartens aan vir Familietyd. “Gebaseer op die Bybelse verhaal van Jeremia se roeping, vertel hierdie pragtige prenteboek die storie van ’n jong Jeremia wat met spraak gesukkel het totdat die Here hom aangeraak en ’n amandeltak as belofte gewys het. Nie net is hierdie storie pragtig en toeganklik geskryf soos net Wendy Maartens kan nie, maar die boek bevat ook inligting en hulpbronne vir ouers en onderwysers om te help met spraakontwikkeling in kleuters. Hierdie bemoedigende verhaal sal alle kinders wys dat hulle spesiaal is vir die Here en dat Hy hulle sal help en gebruik.” Dit is vir R102 beskikbaar by Lapa of kry die kindle weergawe vir $6.97. Ons gaan vir die volgende 4 weke uit Jeremia lees – jy kan hierdie verhaal Sondag na Sondag stuk-stuk soos ‘n vervolgverhaal lees, wat ook vir almal iets gee om na uit te sien. Die profeet Jeremia worstel in sy boek met sy roeping om vernietiging en oordeel oor die volk Juda en hulle leiers aan te kondig. Sy boodskap is dat die volk God vergeet het en geweier het om Hom te erken. Hulle is so nutteloos in die verhouding met God soos ‘n verslete gordel om sy lyf. Daarom is die Here hulle nie meer goedgesind nie en het Hy geen medelye meer met hulle nie. En al breek dit Jeremia se hart, verkondig hy dat soos ‘n kleipot gebreek word, sal die Here hierdie volk en hierdie stad breek. Die ballingskap in Babel is hulle straf. Die Here gaan hulle nie spaar nie en hulle deur hulle vyande laat wegvoer. Ironies genoeg is die ballingskap egter ook hulle redding. As deel van Jeremia se roeping om ook op te bou en te vestig, beskryf hy daarom die weggevoerde ballinge as ‘n mandjie goeie vye en in ‘n brief verkondig hy die Here se goeie guns aan hulle: Ek weet wat Ek vir julle beplan, sê die Here: voorspoed en nie teenspoed nie; Ek wil vir julle ‘n toekoms gee, ‘n verwagting. Dan sal julle My aanroep, tot My kom bid, en Ek sal julle gebede verhoor.” (Jer. 29:11-12). Dié hoop kry nog groter betekenis in ‘n grondkooptransaksie wat Jeremia aangaan in Anatot waarmee die Here ‘n belofte aan die volk maak dat ná sewentig jaar van ballingskap daar weer huise, grond en wingerde in Juda gekoop sal word. Die Here belowe om ‘n nuwe verbond met hulle te sluit waarin sy woord op hulle harte geskryf en in hulle gedagtes vasgelê sal wees. Almal sal Hom ken, klein en groot. En dit is presies wat uiteindelik gebeur. Ná sewentig jaar bid Daniël dat die Here die belofte aan die volk sal vervul. En die volk word die geleentheid gegun om terug te gaan na hulle eie land. Waar het dit alles begin? Dit is ons teks vir vandag: Jeremia 1:4-10:

Laai af: WordPowerPoint

 

Lukas 12:49-56 – 14 Augustus

Koninkrykstyd 10

Die fokusteks is moeilik om vir kinders oop te breek. Ons kies om Johannes 15 (die wingerdstok) as tema te gebruik. Ingesluit die teks uit die Nuwe Testament vir kinders. Carolyn Brown suggereer…

Urban children do not know much about pruning, unless their parents are gardeners.  The easiest way to help them get this story is to present a dead branch and ask if leaves or fruit will ever grow on this branch.  Pursue the discussion to the point that branches have to stay attached to the tree to stay alive.  Note that the same thing is true of vines.  The branches of vines curl up and die when cut from the vine.  Then challenge listeners to figure out what Jesus was trying to tell us as you read the text. Children don’t often hear the word ABIDE in everyday conversation.  If you will use it frequently in sermon and liturgy today, introduce it at the beginning of worship as the word of the day  – a la Sesame Street.  Display it on a large poster.  Translate it as “stay close to me” and/or “hang tight with me.”  Illustrate it with reference to reading everything you can and learning all the stats for a favorite athlete to learn to be like him or her or hanging out with an aunt or uncle you want to grow up to be just like.  Briefly suggest that today we will be talking about ABIDING with God and Jesus.  Identify specific ways we can hang out with God, Jesus and each other, e.g. worshiping, reading the Bible, taking care of people who need our help, etc. Encourage children to listen for ABIDE in the songs and prayers and readings today and to figure out what it means in each place it appears. Die preekriglyn begin met ’n verhaal oor die Simfonie Nr. 94 in G-majeur van Josef Haydn. Dit staan populêr bekend as die Verrassingsimfonie (“Surprise Symphony”). Die verrassing is die harde slag in die sestiende maat van die tweede beweging (Andante). Die musiek, gekomponeer vir Hayden se eerste besoek aan Londen in 1791-92, sus die luisteraar rustig as’t ware aan die slaap voordat ‘n harde slag van die keteltrom almal laat regop skrik, wawyd wakker. Dit verskaf ‘n inleiding vir die boodskap van hierdie teks. Onderweg na Jerusalem stap Jesus en sy volgelinge na ‘n krisis toe – ‘n krisis wat reuse uitdagings aan die volgelinge gaan stel. Daarom dat Jesus hulle as’t ware wakker skud met die verwysing na Miga 7:6: “Dink julle dat Ek gekom het om vrede op die aarde te bring? Nee, sê Ek vir julle, eerder verdeeldheid, want van nou af sal vyf mense in een huis verdeeld wees, drie teen twee en twee teen drie” (v 51-52). Dis op hierdie punt dat Jesus ‘n harde slag, soos Josef Haydn, in die maat van sy boodskap inwerk. Jesus weet van die krisis wat kom – ‘n krisis waarin Hy die hoofrol gaan speel (in sy dood gedoop word). Hy is absoluut verbaas dat so min van sy volgelinge dit kan raaksien. Hulle wêreld is volgens hulle optrede nog dieselfde en niks is aan’t verander nie. Hulle is goed daarmee om die weer te voorspel (v 54-55); tog kan hulle nie twee en twee bymekaartel nie. Hulle neem nie waar wat rondom hulle gebeur nie: die Romeinse oorheersing, Herodes se onderdrukkende beleid, die ryk en arrogante hoëpriester in Jerusalem, die vals agendas van die Fariseërs en, te die midde van dit alles, Jesus wat as jong profeet die koninkryk van God en die genesing van siekes verkondig. Jesus se volgelinge besef nie dat dié moment in die hele geskiedenis van Israel gaan aanbreek nie! Tyd vir ‘n “surprise”.

Laai af: WordPowerPoint

Lukas 12:32-40 – 07 Augustus

Koninkrykstyd 9

The Greatest Treasure deur Demi sluit baie goed aan by vers 34 van vandag se Skriflesing. Hier is ‘n video daarvan, of neem dit vir ‘n uur uit om in Familietyd te gebruik. Carolyn Browne stel voor dat jy die Skriflesing met drie mense doen, wat verskillende ligte ophou (teks ingesluit). Kinders kan papier-lanterns maak terwyl hulle saam na die preek luister. Die preekriglyn begin met die verhaal van iemand wie se kleindogter graag wegkruipertjie speel. Sy hou haar twee ogies styf toe, tel tot tien en roep dan: “Here I come, ready or not,” waarna sy opgewonde haar ma begin soek. So sê die Here Jesus vir gelowiges met hierdie teks: “Here I come, ready or not.” Daarom moet gelowiges altyd gereed wees om die Here te ontmoet wanneer Hy weer kom! Om dit te verduidelik, bespreek Jesus twee alledaagse gebeure in Lukas 12.  Eers fokus Hy op ‘n huiseienaar wie se verantwoordelikheid dit is om sy huis teen diewe te beskerm. As hy geweet het wanneer hulle kom, kon hy hulle ingewag het. Ongelukkig kom hulle onaangekondig; daarom moet hy bedags, maar ook snags voorsorg tref vir ingeval hulle hom sou verras en beroof. Dit vra dat hy altyd waaksaam en op sy hoede sal wees. Tweedens fokus Jesus op ‘n huishulp wie se verantwoordelikheid dit is om die eienaar se huis netjies en skoon te maak. Om dit te doen moet sy haar lang linnerok met ‘n gordel om die heupe vasbind. Sy doen dit sodat sy oral kan skoonmaak en nie verhinder word as sy wil buk of strek nie; ook sodat sy nie struikel en val terwyl sy die eienaar se besittings ronddra nie. Dit moet ‘n daaglikse, selfs uurlikse roetine wees, want sy weet nie wanneer die eienaar van die troue af gaan terugkom nie. Dit gaan heel waarskynlik onverwags wees – ná middernag of eers met hanekraai. Die huishulp moet egter altyd op haar pos wees, gereed om die eienaar by die deur te ontmoet. Dan moet die huis se ligte brand, die tafel moet gedek wees, daar moet kos in die oond wees en die bed moet skoon oorgetrek wees sodat dit vir die eienaar lekker sal wees om huis toe te kom. Gebeur dit nie, ervaar die eienaar teleurstelling, selfs verlies, en is daar geen vreugde in daardie huis nie.

Laai af: WordPowerPoint

Lukas 12:13-21 – 31 Julie

Koninkrykstyd 8

Gebruik die idee van die vier hoeke van die liefde in Familietyd. Die tema daarvan is dat God se liefde meer word wanneer dit weggegee word. Jy benodig ‘n groot plakkaat met die woorde “God se liefde” daarop geskryf en ‘n skêr. Instruksies in die Word dokument. Die preekriglyn trek ‘n ooreenkoms tussen die eerste sin van ons teks met wat net sowel in vanoggend se koerant kon gestaan het: “Iemand uit die skare het vir Hom gesê: ‘Meester, sê vir my broer om die erfenis met my te deel.'” (vers 13) Mens is altyd bewus dat daar ander is wat meer het as jy. Of jy het die gevoel dat jy nie genoeg het nie. Hoe kan jy ook meer kry? Genoeg kry? Veilig voel omdat jy genoeg weg gesit het? Soos skaarsheid toeneem, so word mens in die versoeking gelei om al hoe meer te probeer versamel. Daarby moedig ons kultuur versamel en vermeerder aan. Ons sien gierigheid moeilik raak. Iemand het ‘n groot grondbaron eenmaal gevra wanneer mens genoeg grond het. Dié sê toe: “Wanneer jy al die grond besit wat tans aan jou grond grens.” So was dit in Jesus se tyd ook. Mense wil wen bymekaarmaak, meer hê. Dit is jou dryfveer, want die lewe het net ‘n aantal bronne. As iemand meer gaan kry as jy, gaan jy minder kry, swaarder kry, sukkel om te leef en te oorleef. Dit moet verhoed word. Dit is amper asof iets van jou weggeneem word wanneer ander iets kry of iets bereik. Dan sukkel jy om hulle geluk te wens en saam met hulle vreugde te ervaar. JP Versteeg, ‘n Nederlandse teoloog, skryf dat die egte God ‘n gewende God is en dat egte mense gewende mense is; daarteenoor is nemende mense onmense. So daag Jesus ‘n mens uit om wen-wen te dink met die wete dat daar genoeg vir almal is. Daarom het jy vreugde. Daar is ‘n verhaal van ‘n meisie wat arm grootgeword het en saans uitgeglip het om die buurt se mooi huise te bewonder. Tydens so ‘n uitstappie het sy gesien ‘n swembadhuisie se deur staan wawyd oop. Uit nuuskierigheid het sy ingeloer en ‘n sak marshmallows ontdek, wat sy dadelik opgeëet het. Daarna het sy gereeld die swembadhuisie besoek en elke keer ‘n sak marshmallows gekry. Jare later besoek sy weer die woonbuurt om te erken dat sy die marshmallow-dief was. Tot haar verbasing erken die buurvrou dat sy al die tyd geweet het dat dit sy was. Sy het doelbewus vir haar iets lekkers in die swembadhuisie neergesit. So behoort ons ook die oorvloed wat ons van die Here ontvang, aan ander uit te deel. Dit is nie net ‘n donasie nie. Dit is beslis nie om verskonings uit te dink oor hoekom jy dit of dat nie kan of wil doen nie. ‘n Jong man het eenkeer vir Norman Vincent Peale gesê dat hy sy eie besigheid wil begin, maar dat hy nie die geld het nie. Peale het geantwoord: “Leë sakke het nog niemand teruggehou nie, net leë koppe en leë harte kan dit regkry.”

Laai af: WordPowerPoint

Lukas 11:1-13 – 24 Julie

Koninkrykstyd 7

DinkJeug het baie oulike idees vir die Onse Vader gebed, van gebedsblokkies wat almal kan maak tot gebare waarmee mens die gebed kan bid. Daar is baie oulike voorstelle en aktiwiteite. https://dinkjeug.co.za/erediens-wenk-onse-vader-gebed/ Ons preekteks bestaan uit vier aspekte wat almal oor gebed gaan:

  • Op versoek van die dissipels leer Jesus hulle om te bid (11:1-4)
  • Die gelykenis van die onbeskaamde vriend wat hulp om middernag soek (11:5-8)
  • ‘n Oproep of aanmoediging om te bid (11:9-10)
  • Die gelykenis van die pa wat weet om goeie dinge te gee (11:11-13).

Nadat ons vir ‘n oomblik by hierdie elemente van ons teks stilgestaan het, word dit as ‘n paar ongelooflik ryk aspekte van gebed uitgelê.

Eerstens leer ons in die modelgebed of dissipelgebed wie die God is wat ons aanbid, en hoe heilsaam en genesend dit is om hierdie God as Vader te ken en in gemeenskap met Hom te leef. Die Naam van ons Vader wat geheilig word, as God erken en gevolg word, is waar daar vir ons hoop en vrede te vind is. Die koms van hierdie Vader se koninkryk bring die genesing en herstel waarop ons hoop.

Tweedens is dit die voorbeeld van Jesus wat hulle laat vra: “Here, leer ons bid.” Hier is nie langer twyfelvrae oor die waarde van gebed of oor God se getrouheid om ons te hoor nie. Hier is gretige leerlinge wat reeds iets van die waarde van gebed in Jesus se lewe eerstehands beleef het. Hulle is begerig om soos Hy te leer bid. Hulle het reeds die gereg geniet, nóú wil hulle die geheime resep leer.

Derdens: Wat leer Jesus ons hier oor die Vader? Nie dat ons sy arm kan draai deur volhardende gebed, deur knaend te wees en aan te hou vra nie, maar bloot dat ons met vrymoedigheid ons nood na Hom kan bring.

Ons kan hierdie prentjie van God ter harte neem. God is meer vrygewig as wat ons ooit kan dink. Hy is meer gereed om aan ons te gee wat ons vra, soek of voor klop. In elk geval baie meer as wat ons dit van aardse pa’s kan verwag. Die gawe van die Heilige Gees – God self – bewys dat Hy niks terughou wat goed is vir ons nie. Daarop kan ons vertrou.

Daarom moedig Jesus ons aan om te bid:

Vra, en vir julle sal gegee word;

soek, en julle sal vind;

klop, en vir julle

sal oopgemaak word.

10Want elkeen wat vra, ontvang;

en wie soek, vind;

en vir wie klop, sal oopgemaak word.

Wie só bid, ontvang die Heilige Gees as die allerbeste gawe van God. Dit bevestig dat gebed oor veel meer gaan as versoeklysies wat ons na God toe bring. Gebed is ‘n dringende soeke na en dankbare ontvangs van God self!

Laai af: WordPowerPoint

Lukas 10:38-42 – 17 Julie

Koninkrykstyd 6

Gesels in Familietyd oor die feit dat ons soms moet keuses maak. Wat is dit wat die skaal na die een of die ander kant laat swaai? Wat is ons prioriteite, en wat bepaal ons prioriteite? Om by Jesus se voete te sit en by Hom te leer is belangrik. Dan weet ons beter wat om te doen en wat om te los. In ons besige lewe versuim ons dikwels om die belangrike dinge te doen, en ons mors tyd met onbelangrike dinge. Gesels met die kinders oor die verskil. Moedig hulle aan om elke dag tyd te maak om stil by die Here se voete te gaan sit – en na Hom te luister. Daar is ook ‘n bruikbare bydrae oor die tema “Die belangrikste ding” wat presies die kern van die fokusteks is. Dit is beskikbaar by http://www.sermons4kids.com/mostimportantthing.html en vir u gerief word dit hier voorsien. (Primêre bron is www.textweek.com). Die preekriglyn sluit aan by die feit dat die gebeure afspeel binne die reis wat Jesus vanaf Lukas 9:51 na Jerusalem onderneem. Tydens hierdie reis na Jerusalem praat Jesus telkens dringend met sy dissipels oor wat dit beteken om Hom te volg. In Jesus se onderrig daag Hy die grense wat ons so graag trek uit. In ons teksgedeelte bly nog ‘n grens in die slag. Deur by Jesus se voete te gaan sit, neem Maria die posisie van ‘n dissipel in en luister na sy onderrig (10:39). Sy is gefokus en gretig om van Jesus te leer. Martha, daarenteen, is “baie besig”, “baie bedrywig”, 1983-vertaling) – met wat letterlik “baie bedieninge” beteken. Martha wou óók graag na Jesus luister, maar haar aandag word afgelei deur die druk wat sy op haarself plaas om eerder ‘n goeie gasvrou te wees. Sy kies dus een ding bo ‘n ander. In terme van die kulturele verwagtings van haar tyd, doen Martha presies wat sy behoort te doen: Sy bied gasvryheid aan Jesus. Maria tree teen die kulturele norm op deur die rol van student in te neem – dit is nié wat ‘n vrou behoort te doen nie. Maria betree hier die ruimte van die mans. Deur haar dit toe te laat, tree Jesus eweneens nie volgens die kulturele verwagting op nie. Met die vertelling oor Maria wat die plek van ‘n man inneem, word ‘n tradisionele grens binne Israel (die grens tussen mans en vroue) óók uitgedaag, selfs uitgevee: “… to sit at the feet of a teacher was a decidedly male role … Mary has quietly taken her place as a would-be teacher and preacher of the kingdom of God. Jesus affirms her right to do so.” (NT Wright) Inderdaad, dit is soos die koninkryk van God werk. Wanneer Jesus ons lewe betree, herskryf Jesus ons agenda. Die grens tussen vriend en vyand word oorgeskryf, die grens tussen tradisionele rolle vir man en vrou word uitgevee, die grens tussen die dringende aansprake van die wêreld en die belangrike prioriteite van Jesus kry nuwe inhoud.

Laai af: WordPowerPoint

Lukas 10:25-37 – 10 Julie

Koninkrykstyd 5

Vertel die storie van Emily Hobhouse in Familietyd. Sy was ‘n Brit – van Engeland af, wat geleef het in ‘n tyd toe die Engelse hier in Suid-Afrika kom oorlog maak het.  Oorlog is altyd baie erg, baie wreed.  Terwyl die boere gaan veg het in die oorlog, het die Engelse die boere vroue en kinders gevat en toegesluit in wat mense “konsentrasiekampe” genoem het.  Konsentrasiekampe is soos tronke, maar dis eintlik maar net tente waar duisende mense, ook kinders en babatjies, woon.  In die kampe is mense baie, baie sleg behandel.  Hulle het nie kos gehad nie, nie seep nie.  Dit was baie warm, of baie koud.  Party mense sê dat daar in sommige van die kampe tot 50 kinders per dag dood is. Emily was van Engeland.  Sy kom in Suid-Afrika.  Sy is Engels.  Die Engelse en die boere maak oorlog.  Emily sien hoe lyk dit in die kampe, hoe die mense – haar vyande – daar behandel word. Nou sal ‘n mens dink sy sal lekker kry.  Dis mos haar vyande!  Maar Emily het gesê, “Nee!  Dit kan nie so werk nie.  Ons kan mense nie so behandel nie.  Dit is nie reg volgens die Bybel nie.” En sy het begin werk om die omstandighede te verbeter.  Sy het verslae geskryf, het vir die mense in Engeland gesê wat aangaan. Toe die oorlog oor is, het sy vir lank in SA gebly om die mense wat deur die oorlog seergemaak is – die mense wat eintlik haar vyande moes wees – te help.  Sy het vir jong meisies geleer weef en handwerk doen, sodat mense weer kon geld verdien. So Emily het die mense gehelp wat eintlik haar vyande moes wees. Die preekriglyn begin by ‘n wetgeleerde in Lukas wat Jesus vra hoe om die ewige lewe te verkry, Jesus se gesprek met hom, waarna die gelykenis van die barmhartige Samaritaan Jesus se bedoeling toelig. Dit sluit dan af met Jesus se aanmoediging: “Gaan doen jy ook so”.

Laai af: WordPowerPoint

2 Konings 5:1-14 – 03 Julie

Koninkrykstyd 4

Die inleiding tot die preekriglyn kan netso gebruik word as familie-oomblik. Addisioneel, ‘n resep vir sjokoladepoeding agter op ‘n boksie as illustrasie van God wie se planne eenvoudig is… Vandag se teks leer ons om met verwagting te lewe in ‘n wêreld waar God nog wonders doen! Eerstens leer ons in hierdie teks dat die heldin ‘n klein dogtertjie is wat vir ons wys wat dit beteken om God te ken en die goeie nuus te vertel wat ander mense se lewens kan verander. Tweedens leer ons teks ons dat gewone goed belangrik is, nie net die buitengewone nie. Derdens leer die teks ons dat God wonders doen deur die gewone goed wat ons doen. Vierdens leer ons dat dankbaarheid die draad is wat ons lewens se lappieskombers aan mekaar weef.

Laai af: WordPowerPoint

2 Konings 2:1-2, 6-14 – 26 Junie

Koninkrykstyd 3

Gaan kyk gerus na vorige preekriglyne vir hierdie teks se voorstelle vir familie-oomblik – daar is heelwat praktiese en bruikbare idees. In aansluiting by die preek kan jy ‘n oorsig gee van Elisa se bediening. Hier is ‘n oulike video-oorsig. Jy kan die klank afsit en die vertelling in Afrikaans doen – jy sal net vooraf die tydsberekening moet oefen. Hier is ‘n voorbeeld van iemand wat Elisa se verhaal in onder 4 minute vertel.  Die preekriglyn fokus oorsigtelik op die bediening van Elisa. Dit toon aan waartoe die oordrag van Elia se mantel op Elisa alles gelei het. Daar is ‘n paar dinge wat uitstaan in hierdie verhaal van Elia en Elisa wat ons leer hoe die bediening werk, en ek lig ‘n paar daarvan uit. 1. Die Here is in beheer van sy profete. Die mantel van Elia wat oorgaan op Elisa wys na die Here se gesag wat deur sy werk aan die orde kom. 2. Elisa se bediening was aan gewone mense sowel as aan vernames. Mag dit van ons ook waar wees. Dat ons bediening gewone mense sowel as magtiges sal aanspreek. Dat ons onbevreesd, maar ook met deernis met mense sal werk in opdrag van die Here. 3. God kan met alles vertrou word. Hy is nie net besorgd oor die groot dinge wat almal se lewens raak nie. Hy is ook besorgd oor die kleiner dinge wat in die alledaagse lewe verkeerd loop. Soos die bylkop wat wegraak. Maar, dan is God ook in die groot dinge betrokke, hoewel ons dit soms moeilik raak sien, omdat dit slegs vir die geloofsoog sigbaar is. Elisa ontvang egter die vermoë van God om die onsigbare nie net raak te kan sien nie, maar dit ook vir ander sigbaar te maak. Soos die keer wat Elisa vir Gehasi help om God raak te sien in die konflik met die Arameërs. Elisa het gebid: “Here, maak tog sy oë oop, dat hy kan sien!” En die Here het geantwoord en Gehasi se oë oopgemaak vir die berg rondom Elisa wat vol perde was, en strydwaens van vuur! Dit is ook ons rol. Om mense se oë oop te maak dat hulle kan sien. 4. God soek volledige gehoorsaamheid, en niks minder nie, al het Elisa ook sy kwota moeilike opdragte gehad. Mag dit ook ons nalatenskap wees. Omdat ons gehoorsaam was, en ons die oë van mense oopgemaak het om God te sien.

Laai af: WordPowerPoint

1 Konings 19:1-4, (5-7) 8-15a – 19 Junie

Koninkrykstyd 2

Carolyn Brown het die skopus van die teks vir kinders besonder raakgevat… “Elijah wished there had been something spectacular.  He would have preferred that God speak to him in the earthquake or maybe some fireworks.  But God was there in sheer silence in a desert cave.  The point for the children is that often God does not come in flashy or dramatic ways, but in the silence that surrounds us.” Gebruik ’n paar items wat van ’n hoogte op ’n tafel val- ’n bout en ’n swaar spyker, kleiner items (spykers ens), tot by ‘n speld of ’n naald wat val. Die geluid waarmee dit items val word al hoe sagter… Iewers gaan ’n item so sag val dat ten spyte van stilte in die kerk dit nie gehoor word nie. Iets hiervan was Elia se ervaring- hy het God verwag in fanfare/ trompette/ optog (vergelyk die stormwind/ aardbewing/ vuur… Elia verwag God se verskyning in duidelik herkenbare natuurtekens, en God kies die stilte van ’n windstilte… Ons teksgedeelte bestaan uit vyf gesprekke. Kom ons volg die gesprekke, want op hierdie manier kom die boodskap van die teks helder na vore. Dit help ons om dan oor ons gemeente se roeping na te dink.

Laai af: WordPowerPoint